Agoizko Siemens Gamesako langileekin Nafarroako parlamentuan lan saioa egitea eskatuko du Geroa Baik

Uxue Barkos Geroa Baiko bozeramaileak eta Mikel Asiain parlamentariak bilera egin dute gaur goizean Agoizko Siemens Gamesa lantegiko enpresa komitearekin, enpresak bere ekoizpena Portugalera tokialdatzeko irarpenaren ondoren egon daitezkeen konponbideak bilatzeko lan egiteko helburuarekin.

Geroa Baik langileen ordezkariei adierazi dienez, lan saio bat eskatuko du Foru Parlamentuan, enpresa komiteak egoeraren bere analisia Parlamentuan azal dezan eta parlamentu talde guztiekin alternatiba ezberdinak eztabaidatu eta elkarbanatzeko.

Halaber, koalizioak bere babesa eta elkartasuna berretsi die Agoizko lantegiaren ixtearekin kaltetutako 239 langileei, eta konponbide posible bat aurkitzeko denon artean lan egiteko konpromisoa agertu du ere.