zerrendanAurrekontu aurreproiektuaren onarpena ahalbidetu duen akordioarekin pozik azaldu da Geroa Bai
Palestinarekin elkartasuna agertzeko urriaren 15ean deitu den greba deialdiarekin bat egingo duela iragarri du koalizioak
Pablo Azcona Pablo Azcona Nafarroako Parlamentuan Geroa Bairen bozeramaileak koalizioaren poza azaldu du Nafarroako Aurrekontuen aurreproiektuaren onarpena ahalbidetu duen akordioa dela eta. Azconak azpimarratu duenez, “aurrekontuaren gastu sabaia zehaztu den moduarekin pozik gaude, bai eta lehentasunezkoak diren beste gai politikoekin ere, aurrekontuen aurreproiektuan sartu direnak, programa akordioari bultzada emateko balioko baitute”.
Geroa Bairen bozeramaileak azpimarratu duenez, “orain negoziazioaren hurrengo fasea hasiko da, aurrekontu hauek osatuko dituzten zuzenketekin zerikusia duten akordioekin”. Halaber, bigarren fase hori neurri fiskalekin batera gauzatu behar dela nabarmendu du.
Bigarrenik, hurrengo osoko bilkurara koalizioak eramango duen mozioa aurkeztu du Geroa Bairen bozeramaileak. Azconak azaldu duenez, “Parlamentu hau funtsezko hiru ardatzetan konpromisoa hartzea bilatzen dugu: mugaz gaindiko lankidetza sustatu; Euskadi – Akitania Berria – Nafarroa Euroeskualdean partaidetza sendotu; eta gure mugetatik haratago beste eskualdeekin lankidetzarako bide berriak aztertu”.
Beste gaien artean, Palestinaren egoerari buruz Parlamentuko Mahai eta Eledunen Batzarrak eztabaidatu dituen adierazpen instituzionalak aipatu ditu Azconak, nabarmenduz “Geroa Baik datorren asteazkenean, urriak 15, deitu den grebarekin bat egingo duela”. Duela bi urte, urriaren 7ko atentatuen gaitzespena berretsi du Azconak, bai eta Israelek Gazan burututako genozidioaren gaitzespena ere, eta nazioarteko komunitateari deia nazioarteko zuzenbidea eta itunak bete daitezen. Halaber, laguntza humanitarioa iristea laguntzako beharra azpimarratu du eta Nafarroako herritarrek agertutako elkartasuna aitortu du ere, azken bi urteetan hainbatetan irten baita kaleetara Palestinan gertatu dena salatzeko. Azkenik, bahituen itzultzea dela eta bere poza agertu du eta lortutako akordioek euren eragina edukitzea espero duela ere, eskualde hartan bake zuzen eta iraunkor bat lortzeko.
