zerrendanBarkos: “Garapen ekonomiko jasangarria eta klima aldaketaren aurkako borroka uztartzen dituzten politikak Ongizate Estatua sendotzeko gai dira”
Uxue Barkos Nafarroako Parlamentuko Mahai eta Eledunen Batzarraren ondoren Uxue Barkos Geroa Baiko bozeramaileak defendatu duenez, “hazkunde ekonomiko jasangarria eta klima aldaketaren aurkako borroka uztartzen dituzten politikak, ongizatea sortzeko eta Ongizate Estatuan sakontzeko eta sendotzeko gai dira”. Zentzu honetan, hurrengo osoko bilkurarako Geroa Baik defendatuko dituen ekimenak aurkeztu ditu Barkosek, zehazki Adimen Artifizialari buruzko interpelazio bat, eta New Yorkeko klimaren astean Nafarroaren partaidetzari buruz Foru Exekutiboari zuzenduriko galdera, azken honi dagokionez, klima aldaketaren aurkako politika aktiboetan eskualderik aurreratuenetako moduan nabarmendu baitzen Nafarroa.
Kazetarien galderei erantzunez, azken egunetan jazotako zergen inguruko eztabaida aipatu du ere, eta Geroa Baiko bozeramaileak Ekonomia Lankidetza eta Garapenerako Antolakundeak (OCDE bere gaztelaniazko sigletan) egindako azken iragarpenei erreparatu die, 2023 urterako Espainiaren hazkundea %1,5 murriztu duela eta Alemania atzeraldi ekonomikoan sartzea aurreikusten duela alegia. Zentzu honetan azpimarratu duenez, “honi erakunde publikoek eman beharreko erantzuna zera izan behar da, gizarte osoaren esfortzua zein modutan sendotzeko estimazioa, diru-sarrera eta zerga moduan ere”.
