Gobernuak planteatu duen Konstituzioaren erreforman abortuaren funtsezko eskubide izaera bermatzea eskatu du Barkosek

Uxue Barkos Geroa Baiko senatariak gaur ohartarazi du Konstituzioaren 43 artikuluaren erreformak, Pedro Sánchezen Gobernuak proposatua haurdunaldiaren etete boluntariorako emakumeen eskubidea bermatzeko, “funtsezko eskubide moduan duen izaera arriskuan jar dezakeela”.

Modu honetan, abortatzeko eskubidea blindatzearen inguruan Talde Sozialistaren mozio bati egindako zuzenketa baten bitartez, Gobernuak planteatu duen konstituzioaren erreforman abortuak funtsezko eskubide izaera bermatzea eskatu du Barkosek Senatuko Osoko bilkuran.

Halaber, foru senatariak azpimarratu duenez, “1985 urtean lehen legea onartu zenetik, urteetan zehar eman den jurisprudentziak jada aitortzen du abortatzeko eskubidea Konstituzioaren 15 artikuluan eta, hortaz, funtsezko eskubideen artean duen tokia”.

Zentzu honetan, Barkosek adierazi du “eskubide hau Konstituzioan espresuki agertzearen alde” dagoela Geroa Bai, nahiz eta gogorarazi uneotan proposamen honek ez duela Parlamentuaren gehiengoaren babesa aurrera atera ahal izateko. “Hori da Geroa Baik mozio honi aurkezten dion zuzenketaren helburua: larria den arrisku bati buruz ohartaraztea, gauzen errealitatetik haratago, erreformak inolako aukerarik ez duela jakinik ere, erreforma proposamen honen formulazioa zaindu behar genukeelako ere”, azaldu du.

Halaber, Barkosek salatu duenez, “funtsezko eskubideen babesgabetasun eta zalantzan-jartze egoera bat ikusten ari dugu”. “Olatu inboluzionista bat bizi dugula agerikoa da: atzerapausoak eskubide kolektibo eta indibidualetan, gutxiengoen eskubideetan, emakumeen eskubideetan inboluzioa noski eta, aurreko guztia laburbiltzen duen amildegiaren ertzean: funtsezko eskubideak zalantzan jartzea”, ohartarazi du.

“Hori, eta ez beste ezer, da Alderdi Sozialistak aurkeztu duen mozio honen jatorrian dagoen polemika islatzen duena”, ziurtatu du Barkosek, bere iritziz “fenomeno larria delarik hau, Vox-en gatibu den Alderdi Popular baten atzerapauso ideologikoa baino larriagoa”. Zentzu honetan, Geroa Baiko senatariak Madrilgo Komunitateko presidentearen adierazpenak kritikatu ditu ere, «abortatu dezatela beste tokiren batean» bezalako adierazpenak aurpegiratu dizkiolarik, eta Barkosen arabera “horrelakoak ez lirakete inoiz ez tribuna demokratiko batean entzun behar”.

Azkenik, gai honen inguruan azken egunotan bizi izan den “esperpentua” gaitzetsi du Barkosek. Amaitzeko adierazi duenez, “geratzen zaiguna hori da, funtsezko eskubideen babesgabetasun eta zalantzan-jartze egoera bat bizitzen ari dugula”.

Azkenik, Barkosek aurkeztutako zuzenketa Talde Sozialistak onartu duen arren, mozioa ez da aurrera atera, aurka bozkatu baitute PP, Vox eta UPN alderdiek.