Barkosek oposizioaren zati bat eta Gobernu zentrala salatu ditu “Nafarroaren interes orokorrak zigortzeagatik”

Uxue Barkos Nafarroako Gobernuko Lehendakariak Nafarroako oposizioaren zati bat eta Gobernu zentrala salatu ditu “Nafarroako interes orokorrak zigortzeagatik” abiadura handiko trena, Hitzarmen Ekonomikoaren negoziazioa edota Nafarroako Ubidea bezalako gaietan eduki duten jarrera ikusita.

Barkosek astearte honetan Foro Ser Navarran egindako hitzaldian foru Komunitatearen” nazioarteko marka irudia” berreskuratzea markatu du helburu gisa, bere iritziz “denon ardura baita”.

Hala ere, esan duenez “parlamentuko oposizioaren zati bat aurkakoa egiten tematuta daude, edota Nafarroako irudiaren izena zikintzen Gobernua kaltetzeko” eta “tamalgarritzat” jo du zenbaitek “Nafarroako irudia kaltetzen saiatzea hauteskunde onura propioa lortzeko”. Horregatik, “apurtzen duten eta lortzen duten gauza bakarra atzera egiten duten eztabaidak ekiditea” eskatu du. 

Gobernu zentralarekin dagoen harremana ere aipatu du, azpimarratuz Madrilek “ez duela konponbiderik ematen ez hamabi foru legek Auzitegi Konstituzionalean duten auzia gainditzen ez eta lan eskaintza publikoak bezalako gai sentikorrak bezalako gaietan ere, eta ez dago Hitzarmen Ekonomikoa bezalako gai garrantzitsu bat konpontzen”.

Azken honi buruz, Barkosek “aintzatespen publiko” bat egin die Ogasun Ministerioak eta foru Gobernuak egindako negoziaketei, negoziaketa horik “gogorrak bezain eraginkorrak” izan baitira akordiora iristeko.

Hala ere, “berandu goazela” esan du. “Akordioa 2015 baino lehen egon beharko luke eta Gobernu zentralak eman beharreko bultzada politikorik gabe jarraitzen dugu”, azaldu du. “Ez nuke pentsatu nahi beste hitzarmen batzuekin ikusi bezala interes alderdikoi berean erortzerik”, azpimarratu du, abiadura handiko trenari zehazki so eginez.

EUROPAREKIN LOTUKO DUEN KORRIDOREA

Jarraian, Barkosek Gobernu zentralari eskatu dio “Nafarroara Campanasen amaituko ez den korridore bat ekar dezan, baizik eta Europako abiadura handiarekin lotuko duen bat, gainontzekoa saloi jolasak baitira”.

Zentzu honetan, Exekutiboko buruak abiadura handiko trena eraikitzeko akordioak aurretik Nafarroak Estatuari egin beharreko aportazioa itxita eduki beharko lukeela defendatu du. “Manu Ayerdi lehendakariordeak ez du inoiz negoziazio bat bestearekin lotu, esan duguna izan da gauzak hurrenez hurren egin behar direla, etxea teilatutik ez hastea dioen esaera bezain erraza”, nabarmendu du, azpimarratuz aportazioaren negoziazioa “bultzada politiko minimo baten esperoan dagoela”.

Gainera, Barkosek ukatu egin du PPrekin ezkutuko akordiorik dagoenik Estatua izateko AHTren eraikuntzaren arduradun horrela Nafarroako laukoan ditugun tentsioak ekiditeko. “Hori Gobernu honen jardueraren maltzurkeria kubora berretzea izango litzateke”, azpimarratu du.

Bestalde, Exekutiboko buruak Estatuak Nafarroako Ubidearen proiektua bultzatu nahi izatea kritikatu du, “ez baitu Erriberaren beharrizanen datu gaurkotu bakar bat ere eta ez baitu finantzaketa beharrei buruzko datu gaurkotu bakar bat ere”.

Uxue Barkosen arabera, jarrera hauek “hauteskunde jomuga probetxugarri bat marrazteko epe motzeko estrategien erantzuna da eta Nafarroako interes orokorrak zigortzeko”.

HAZKUNDE EKONOMIKOA ETA LANGABEZIAREN BEHERAKADA

Bere hitzaldian, Gobernuko lehendakariak Nafarroako adierazle nagusien gaineko errepaso bat egin du, nabarmenduz “Nafarroako ekonomia Estatuko bataz bestekoaren gainetik hazten ari dela, Estatuan langabezia tasa txikiena erregistratu duela, azken urtean langabeziak ehuneko 7,58 behera eginez eta Gizarte Segurantza, legegintzaldi honetan, 25.000 pertsona baino gehiagoren afiliazioan gora eginez”.

Jarraian, Barkosek adierazi du “hau guztia ez litzatekeela balioduna berdintasun terminoetan, eta hortaz gizarte aberastasunean ere, ez bagina era berean asmo handikoak” eta, zentzu honetan aldarrikatu du “osasungintzan, Nafarroa dela osasungintza zerbitzu hoberenak dituena 2017an; menpekotasun alorrean, 2017ko lehen seihilekoan 4.024 pertsona baloratu dira, 2015eko lehen seihilekoan egondakoaren bikoitza baino gehiago, eta hezkuntzan, azpiegituretan inbertsioa 2015 urtearekiko hirukoiztu egin da”.

Exekutibo buruak onartu du “noski ere, positiboak ez diren datuak daudela”. “Soldaten errealitatea eta lan egonkortasuna pozik egoteko modukoak izatetik oso urrun daude”, aldarrikatu du, agente sozial eta enpresa agenteei deialdia eginez alor horietan hobekuntzak bilatu ditzaten.

Horren ondoren, Uxue Barkosek galdegin du “nola izan daitekeen Nafarroako Parlamentuan hiritarren interesetatik hain urrun dauden ekimen batzuk ikustea”. “Hiritarrak keztaturik ote daude balizko bandera gerra batekin? Inposaketa benetakoa izango balitz kezkaturik egongo lirateke, baina gezurra da. Hiritarrak kezkaturik ote daude hizkuntza gerra batekin? Diskriminazioa benetakoa izango balitz kezkaturik egongo litzateke, baina faltsua da”, azpimarratu du.

FRANTZIA ETA ALEMANIAREKIN HARREMANEI BULTZADA

Bere hitzaldian, Exekutibo buruak Nafarroak Frantzia eta Alemaniarekin harreman “autonomoak” eta posizio “finkatuak” lortzearen garrantzia nabarmendu du, eta horretan aritu da lanean Gobernua azken legegintzaldi honetan zehar. “Euskal Autonomia Erkidegoarekin eta Akitaniarekin batera euroeskualdean sartzeak bere emaitzak ematen hasi da hezkuntza alorrean, gure herrietan, enpresa harremanetan eta Atlantikoko trenbide ardatz europarra bezalako eztabaida estrategikoetan kokatu gaitu, azpimarratu du, aldi berean Noaingo aireportutik Frankfurteko hegaldiaren ezartzea gogoratuz ere.