Barkosek ziurtatu du “ez dagoela inolako opakotasunik” Hitzarmen Ekonomikoan, eta “solidarioa” da gainera

Uxue Barkos Nafarroako Gobernuko lehendakariak ziurtatu duenez “ez dago inolako opakotasunik” ez eta “inolako solidaritate faltarik” Nafarroak Estatuari egiten dion ekarpenean.

Euskal kupoa eta Nafarroaren ekarpena kalkulatzeko metodoaren “opakotasunarekin” amaitzea eskatzen duen  Andaluziako PSOEren proposamenari erantzunez, Uxue Barkosek ezezko “biribila” eman du eta ziurtatu du, horren kontra, ekarpen hori kalkulatzeko negoziazioak “akordio eta topaketa sorta batean burutu direla eta mundu guztiak sarbidea duen gardentasun atarian ipinita daudela, hortaz edonork analizatu ditzake”.

Gainera, komunikabideei adierazpenetan foru Komunitatearen “solidaritatea” defendatu du, “Nafarroak Estatuko kargak ordaintzeko moduak Estatuak berak eta bere administraritzek sortzen duten zorra ere bere egiten baitu”. “Hori aipatzen ari dudan solidaritate horren adibide oso argia da”, azpimarratu du.

Horren ondoren Barkosek ziurtatu du “erregimen amankomuneko Komunitate Autonomoen finantzazio arazoari konponbide-bilaketa zilegian, zorroztasun politikoa eta norbanakoaren ardurak bere egitean zorroztasuna ezinbesteko elementua da, bestela, norbanakoaren posizioaren defentsa helburu bakarra den eztabaida egiten bukatuko dugu eta berriro ere finantzaketa bigarren planoan geratuko da”.

Foru Exekutiboko buruak nabarmendu duenez honako hau “eztabaida errepikaria da finantza eta ekonomia egoera latza duten uneetan eta ezberdintasunean bilatzen da norbanakoaren gabeziak zuritzea”. “Ez dago esan beharrik eztabaida intelektualean ez duela behar bezalako zorroztasunik eta esango nuke ez duela ere politikoki behar bezalako zorroztasunik, ausardiarik ez eta zintzotasunik”, ziurtatu du.