Barkosen aburuz garrantzitsua da herritarren %70 txertatzeko helburura ekainean betetzeko beharrezkoak diren txerto kopurua jasotzea

Ostegun honetako osoko bilkuran eztabaidatuko den hezkuntza alorreko ekimena nabarmendu du Uxue Barkos Geroa Baiko eledunak. Ikasle etorkinek A eta D eredua aukeratzeko helburuarekin Hezkuntza Departamentuak informazio eta sentsibilizazio kanpainak burutu ditzan proposatu du koalizioak.

Bestalde, Nafarroako Jauregiko bazkarien menuak ezagutzeko Navarra Sumak Gobernuari egindako galdera berregin dadin eskatu du Barkosek.

Eta azkenik, Barkosek txertaketa erritmoari erreparatu dio eta ekainean herritarren %70 txertatzeko helburua betetzeko beharrezkoa den txerto kopurua jasotzea premiazkoa dela azpimarratu du.