Coscolín inguruaren berrurbanizazioari buruzko herritarren arteko topaketa bat antolatu du Tuterako Geroa Baik Aierdi gobernuko lehendakariordearekin

Tuterako Geroa Baik herritarren arteko topaketa bat antolatu du, bertara José Mari Aierdi Nafarroako Gobernuko lehendakariordea gonbidatuz, bertan Tuterako Alde Zaharreko erdigunean dagoen Horno de Coscolín inguruneko birsorkuntza plana eztabaidatzeko. Topaketa datorren otsailaren 25ean izango da, ostegunarekin, 19:00etan, Tuterako Lourdes Auzo-Etxean.

Koalizioak gogorarazi duenez, Coscolín inguruko berrurbanizazioa Nasuvinsa sozietate publikoak sustatutako arkitektura eta hirigintza proiektua da, gune oso hau berrurbanizatzeko 2018an bere hasierako diseinua egin zuenetik, babestuko 24 etxebizitza eraikitzea proposatuz, horien erdia alokairurako, bai eta merkataritza eta dotazioetarako lokalak ere.

Topaketa honekin, Tuterako Geroa Baik eztabaidagune bat sortzea proposatzen du, bertan herritarrak orokorrean eta interesdun eragile ezberdinek haien zalantzak eta etorkizunerako nahiak aurkeztu ahal izateko, horretarako proiektuaren jatorri, kudeaketa eta garapenaren aurkezpen xehe bat eginez.

Koalizioak azpimarratu duenez, Coscolín proiektua Erriberako hiriburuan azken hamarkadetan egindako hirigintza ekintza garrantzitsuenetako bat da eta ekintza honek Alde Zaharraren berpizkunde eta birsorkuntza urbano integralerako operazio baten lehen pausoa ekartzea espero du. Hori dela eta, Geroa Bairen aburuz, Erriberako hiriburuak duela 20 urte baino gehiagotik hona amestu duen asmo handiko proiektu hau Tuterako bizilagunekin elkarbanatu ahal izateak garrantzia berezia du.

Topaketak Covid-19 segurtasun protokoloa edukiko du eta bere aforoa mugatua izango da. Horregatik, topaketan parte hartu ahal izateko beharrezkoa da 609 208 989 telefono zenbakiaren bidez harremanetan jartzea.