“Gure kaleei bizia ematen dion” auzoko eta zero kilometroko merkataritzaren alde egin du Geroa Baik

Koldo Martínez Iruñeko Alkatetzarako hautagaiak gaur azaldu duenez, “hurbiltasuneko eta auzoko merkataritza, zero kilometrokoa” bultzatzeko neurriak hartu beharra dago, “honek, zailtasun guztien gainetik, bizirik baitirau.” Gaineratu duenez, “gaurkotasun osoa duten balioekin zeharo bat datorren negozio eredua da: tokiko kontsumo eredua, arduratsua eta jasangarria, ingurumenarekiko begirunearen irizpideekin koherentea, eta bere inguru hurbilenarekin konprometitua”.

Ildo honetan, “Iruñean zerbaitekin harro egoteko aukera badugu, hori hurbiltasuneko eta auzoko merkataritza da”, nabarmendu du Geroa Bairen alkategaiak. “Sentsibilizazio kanpainen bitartez sustatuko dugu hau” gaineratu du Koldo Martínezek, “Iruñeko hiritarrek gure auzoetan kontsumitu dezaten eta modu jasangarrian eta arduratsuan egin dezaten gainera”.

“Hurbileko dendetan kontsumitzera” animatu du Koldo Martínezek, “auzoek bizia edukitzeko, tokiko ekonomia sustatzeko, lanpostuak sortzeko, topaketa guneak sortzeko eta enpresa-aniztasuna sortzeko funtsezkoa baita hori”. Era berean, merkatariek elkarteekin batera “lanari” ekingo diola ziurtatu du, “ingurune digitala hobetzeko eta horretara egokitzeko neurriak haiekin adosteko”.

Bestalde, “zerbitzuaren garrantzia” azpimarratu du Koldo Martínezek, “hurbiltasunezko merkataritza bezeroen eta merkatarien arteko lotura sortzen baitu, kalitatezko tratu pertsonalizatua egotea ahalbidetuz”. Horretaz gain, alkategaiak azpimarratu duenez, “merkataritza eredu hau da gure tokiko ekoizleekin modu zuzenean gehien lan egiten duen eredua, gure abeltzain eta nekazariekin adibidez, horregatik da hain garrantzitsua”.

Azkenik, “tokiko merkataritzari bultzada emateko” Geroa Bairen proposamena azaldu du Martínezek, “auzoetako egitura sozial eta ekonomikoa modu aktiboan eta etengabeko hazkundean mantentzen baitu bezeroari zerbitzu hobea emanez, bai eta tratu ezin hobea eta aholku are eta hobeagoak eskainiz”.

Apartamentu babestuak Azpilagañan

Azpilagañan Jose Mari Aierdik (Geroa Bai) zuzentzen duen Etxebizitza Sailetik tutoretzapeko 34 apartamentuei ekin diegula ere nabarmendu du Koldo Martinezek. Egurrezko egitura duen eraikin batean. Eta alde pribatua, egoiliarrentzako eremu komuna eta auzoko komunitatearentzako erabilera solairuak konbinatzen dira. Hasiera batean, Navarra Sumak proiektua aldatzea eskatu zuen, auzoari zerbitzua emateko eremu hori kendu eta etxebizitzak jartzeko.

Azkenik, gobernuaren eta oposizioko udal taldeen artean egindako presioak proiektua berriz ere bere jatorrira eraman zuen, eta horixe egiten ari dira, nabarmendu du.