Udaleko eraso sexisten aurkako protokoloa 'pitzadurarik gabe' berresteko eskatu diote Gero Baik, EH Bilduk eta PSNk gobernu taldeari

Geroa Baik, EH Bilduk eta PSNk elkarrekin sinatu dute adierazpen bat, bihar eztabaidatuko dena Herritarren Gaien arloan. Bertan, gobernu-taldeari eskatzen diote Iruñeko Udalak onartutako eraso sexisten aurkako protokoloa pitzadurarik gabe berrestea, eta, horrekin batera, eraso horien berri jendaurrean emateko beharra "eta aipatutako protokoloa termino guztietan aplikatzea, zeinak mugimendu feministaren eta indarkeria matxista tratatzen duten profesionalen bermea baitu.

Adierazpenaren testuak argi eta garbi arbuiatzen du “Iruñeko Udaleko Komunikazio arduradunaren hitzaldia; izan ere, joan den urriaren 28an, komunikazio-agentziek antolatutako foro batean, publikoki adierazi zuen Sanferminetan egiten diren eraso sexual eta sexista guztiak agerian uztearen eta salatzearen aurka zegoela”. Horren aurrean, bihar eztabaidatuko den ekimenak udal gobernuari eskatzen dio “argitzeko egungo Komunikazio arduradunak defendatutako jarrera gobernu talde osoaren jarrera ofiziala den ala ez”.

Testuak dioenez, foro hartan egindako hitzaldian, egungo Komunikazio arduradunak puntuz puntu zalantzan jarri zuen Udalak sanferminen testuinguruan eraso sexual eta sexistengatik egindako salaketa guztien berri emateko hartutako erabaki estrategikoa, udal erakundeak hiriko kolektibo feministekin eta Emakumearen Arretarako Udal Zerbitzuko profesionalekin adostutako Protokoloa aplikatuz. Esku-hartze horretan, “zalantzan jarri zuen udalak 2016ko sanferminetan egindako talde-bortxaketa larriaren aurrean erantzuteko protokoloa bere osotasunean aplikatzeko erabakia; izan ere, milaka pertsona kalera atera zituen eraso hori salatzeko, eta indarkeria matxistaren aurrean hiriak duen kontzientziazio kolektiboaren mugarri izan zen”. “Oso larritzat jotzen dugu Udalak gaur egun Komunikazio arloaren erantzukizun nagusia duenak eraso sexisten aurka izan duen jokabidea publikoki zalantzan jartzea; izan ere, protokolo baten ardatz estrategikoetako baten flotazio-lerroaren aurkako erasoa da, zeinak adostasuna eta babesa eman baitio bai mugimendu feministari, bai udal-arloei, Emakumearen Arretarako Udal Zerb