Navarra Sumak Amaia kalean udalaren gehiengoaren erabakia ez errespetatzea eta mankomunitatearen txostenik gabe leheneratzea inposatu izana gaitzetsi du Geroa Baik

Geroa Bairen udal taldeak akatstzat “Amaia kalean zirkulaziorako bi karrilak berreskuratzeko Fermín Alonso zinegotziak (Navarra Suma) egin duen planteamendua, horietako bat ez baita autobusentzako erabiliko, Mankomunitateak eskatzen duen moduan”. 

Udal taldeak argitu du: “Udalbatzaren gehiengoak orain astebete premiatu zuen Mankomunitateari txosten bat eskatu zedin eta orain bere babesik ez duten plan batzuk ekartzen dizkigute, eta Labriteko korridorearentzako alternatibarik gabe, hortaz, berriro ere, aldebakartasunez jokatzeko bere setakeria frogatzen dute, gehiengoaren gainetik pasatuz”.

Udal taldeak “Mugikortasun Batzordearen erabilgarritasun falta” kritikatu du, “Navarra Suma erabakiak jada hartuta etortzen baita, ez da praktikoa eta ez du Iruñeko udalaren gehiengoak nahi duena errespetatzen”.

Geroa Bairen iritziz, “behin berriro ere, teorian jasangarriagoa den mugikortasunaren alde Navarra Sumak planteatzen dituen diskurtsoen aurrean, praktikan ibilgailuen edo bizikleten trafikoa zailago egiten duten erabakiak hartu behar direnean, ibilgailuen trafikoa mesedetzearen alde egiten da beti"