zerrendanGeroa Baik udal igerilekuen araudiaren inguruan galdegin du Nafarroako Gobernua
Pablo Azcona Molinet Geroa Baiko foru parlamentariak Lurralde Kohesiorako Kontseilariari zuzenduriko galdera erregistratu du udal jabetzakoak diren igerilekuen araudiari buruz.
Azconak ziurtatu duenez “Nafarroako Foru Komunitateko igerilekuen baldintza higieniko sanitarioak eta segurtasun baldintzak arautzen dituen urriaren 24ko 86/2018 Foru Dekretuak, udal jabetzakoak diren igerilekuetan egokitzapenak egitera behartzen du, horrek Nafarroako Toki Erakundeei inbertsio handia eskatuz”.
Horrela, Geroa Baiko parlamentariak datorren ostegunean egingo den kontrol saioak Nafarroako Gobernuari galdetuko dio ea Nafarroako Toki Erakundeek 86/2018 Foru Dekretuak eskatzen dituen egokitzapenak bete ahal izateko inbertsio beharren balorazio ekonomikorik duen Exekutiboak.
“Toki erakundeek dekretu honetan aurreikusten diren eskakizunak bete ahal izateko Nafarroako Gobernuak laguntza ekonomikorako linearen bat aurreikus dezan lan egingo dugu”, nabarmendu du Geroa Baiko parlamentariak.
