Geroa Baik ziurtatu du Auzitegi Gorenak Solanaren aurka UPN-k egindako jazarpen kanpaina agerian utzi duela

Geroa Baik ziurtatu du, Rozalejoko Markesaren Jauregiaren hustutzean eta ondoko birokupazioan María Solanaren jardutea dela eta UPN-k bere aurka aurkeztutako kereila artxibatzeko Auzitegi Gorenaren erabakiak agerian uzten duela UPN-k Solana kontseilariaren aurka egindako jazarpen kanpaina.

Koalizioaren aburuz, UPN-k azken hilabeteotan zehar etika politikoaren muga guztiak gainditu ditu, orain Auzitegi Gorenak desmuntatu dituen salaketa larriak eginez Solanaren aurka, horrek frogatuz azken hilabeteetan UPN-ren helburu bakarra Solanaren aurkako propaganda operazio bat hastea zela, alderdi eta hauteskunde interes bakarrarekin.

Azkenik, Geroa Baik gogorarazi du koalizioak beti defendatu duela Foru Exekutiboak arduraz jardun zuela Rozalejoko Markesaren Jauregiaren inguruan hartutako erabakietan, eta iritzi du Auzitegi Gorenaren erabakiak norabide berean egiten duela, berriki Nafarroako Auzitegiak kausa ez artxibatzeko hartu zuen erabakiarekin bat.