Geroa Baik ziurtatu du UPN Nafarroaren autogobernuaren "Troiako zaldia" dela

Geroa Baik ziurtatu du UPN “Nafarroako autogobernuaren Troiako zaldia” dela. Koldo Martínez Geroa Baiko parlamentuko bozeramaileak azpimarratu duenez “Ciudadanosekin batera hautagaitza berean batzeko Javier Esparzaren proposamena, hori Foruen aurkako alderdia izanik, hautestontziei beldurra duela eta UPNren nortasunaren galdera moduan bakarrik uler daiteke, bere hauteskunde premiak Nafarroako defentsaren aurretik jartzen baititu”.

Martínezek ziurtatu duenez, “Javier Esparzak UPNren sigla Troiako zaldi moduan erabiltzen du Nafarroako Parlamentuan sufragio zuzen bidez beste moduz sarrera eduki behar ez lukeen alderdi bat sartzeko: Casadoren PP, urteetan zehar autogobernuaren aurka gehien egin duen PP alegia, eta Ciudadanos, Foruei eta Hitzarmen Ekonomikoari dien errespetua ezerezean geratuko den paper batean sinatuz”.

Geroa Baiko parlamentuko eledunaren iritziz, “Javier Esparzak gobernura itzultzeko duen obsesioak, forutasunaren defentsa bandera moduan zuen alderdia nortasun propio gabeko alderdi bihurtzen ari du, Estatuaren interesen aurrean makurtuz Nafarroako interesen aurretik”.

“Colóneko argazkiaren ondoren, egiteko dauden transferentzien aurka Senatuan bozkatu ondoren, urtetan ezagutu dugun PP-rik zentralistenarekin akordioa egin ondoren, Esparzak gaur pauso bat gehiago eman du eta Nafarroako Hitzarmen Ekonomikoaren aurka argi eta garbi daudenekin batasuna egitera premiatu du, nahiz eta gure autogobernuaren giltzarri izan hori. Ez gintuzke harrituko hurrengo batasuna UPN eta Vox-en artekoa izatea”, azpimarratu du Martínezek.