Gobernu aurrerakoi eta pluralak eratzeko erabakiak Nafarroatik eta Nafarroan hartzea eskatu du Barkosek

Uxue Barkos Nafarroako Gobernuko Lehendakaritzarako Geroa Bairen hautagaiak, gobernu aurrerakoiak eratzeko akordioetara iristeko deialdia egin du.

Barkosek berretsi duenez, “gobernu aurrerakoi eta pluralak eratzeko Erkidegoan hartutako erabaki eta konpromisoak Nafarroatik eta Nafarroak hartu behar dira”.

Hauteskunde orokorrei dagokienez ziurtatu duenez, “ez dezagun onartu aurrekanpainak Nafarroan Gobernu aurrerakoi bat eratzea atzeratzea”. “Gehiengo aurrerakoiak eratzeko hautestontzien agindu argia dugu. Geroa Baik tinkotasunez beteko duen agindua”, ziurtatu du.

Geroa Bairen bozeramaileak gainontzeko indar aurrerakoiei deia luzatu die erabakiak “Nafarroan” har daitezen, eta Geroa Bairen konpromisoa betikoa izaten jarraitzen duela ziurtatu du. “Aurrekanpaina herritarrekin hartutako konpromisoak ez betetzeko tresna izan daitekeenaren beldur gara”, adierazi du.

Horrela, Barkosek Gobernua eratzeko lanean “oraintxe” hastea eskatu du, “ez dugu presarik Gobernua modu arinean eratzeko, baina formakuntza politikoen erabakia lehenbailehen ezagutzea funtsezkoa da”.