Geroa Baik bultzatuta, prostituzioari buruzko mahai teknikoa osatzeko eskakizuna igorri dio Iruñeko Udalak Gobernuari

Hiritarren Batzordeak prostituzioari buruzko Mahai Teknikoa osatzeko eskakizuna igorri dio Gobernuari.  Mahaia Nafarroako Berdintasunerako Insitutoak gidatuko luke eta Erakunde Publiko, gobernuz kanpoko erakunde, prostituzioaren inguruan lanean dabiltzan elkarte eta prostituzioan jarduten duten pertsonek osatuko lukete.

Mahai honen helburua Nafarroa mailako diagnostiko zabal eta osatua egitea litzateke,  ikuspegi oro kontuan hartuz eta sektorea arautuz, prostituzioan jarduten duten pertsonekin elkarlanean. Adierazpena udal gobernu taldeen baiezko eta UPN eta PSNren abstentzioarekin aurrera atera da.