Ibilgailu elektrikoa erosteko eta karga puntuen instalaziorako laguntzen luzapena eskatu dio Barkosek Gobernu zentralari

Uxue Barkos Geroa Baiko senatariak mozio bat aurkeztu du Goi Ganberako Industria Batzordean, horren bitartez Gobernu zentralari eskatuz Mugikortasun Eraginkor eta Jasangarrirako Pizgarrien Programa, Moves Plan moduan ezagutzen dena, 2025eko urtarrilaren 1etik aitzina luzatu dezan, isuri gutxiko ibilgailuen salmentak sustatzeko helburua betetzen jarraitzeko, horrela ibilgailu elektrikoak erosteko eta karga puntuak instalatzeko laguntzak luzatzea proposatuz.

Halaber, aurkeztutako ekimenean, Barkosek Pedro Sánchezen exekutiboa premiatzen du “2025 uretik aitzina bidaiari eta merkantzia garraio sektorearen deskarbonizaziorako laguntzak hedatu ditzan, horretarako «Errepide bidez bidaiari eta merkantzien garraio zerbitzua ematen duten enpresa pribatuen eta garraio pribatu osagarria ematen duten enpresen floten eraldaketarako Programa» hedatzea proposatuz, ibilgailuak erosteko eta karga puntuak instalatzeko laguntzak mantenduz”.

Zentzu honetan Foru senatariak gogorarazi duenez, “klima larrialdiak agenda globalean toki zentrala duen testuinguru honetan, ibilgailu elektrikoak etorkizun garbi eta jasangarriago batera iristeko funtsezko pauso moduan aurkezten dira”. “Hortaz, -azpimarratu du- klima aldaketak automozioaren trantsizio energetiko eta ekologikoa bizkortzera premiatzen gaitu eta horretarako, Europako Batzordeak ekonomia deskarbonizatu baterantz joateko plan bat diseinatu du, horren arabera 2035 urtean barne-errekuntzako motoreak dituzten ibilgailuak saltzeari utziko zaiolarik”.

Ildo honetan Barkosek ziurtatu duenez, “garraioaren sektoreak (automozioa eta logistika), aurrekaririk ez duen eraldaketa bati egiten ari dio aurre mugikortasun elektriko eta jasangarri baten bidean”, eta nabarmendu du “2023an ibilgailu elektrikoaren salmentak Europan errekorrekoak izan zirela, 2 milioi unitate baino gehiago, hori 2022an baino %17 gehiago izanik”.

“Horrek guztiak inbertsio ikaragarriak ekarri ditu sektorearen aldetik eta automobilaren industriaren konpromisoari esker Europan ibilgailu elektrikoaren merkatuak gora egiten ari du”, azpimarratu du Barkosek, haren arabera, “horren adibide argia” delarik Nafarroako Volkswagen plantaren eraldaketa bertan ibilgailu elektrikoak ekoizteko, “horrek 1.000 euro inguruko inbertsioa ekarriko duelarik gainera”.

Era berean, zamadun garraioari dagokionez, Geroa Baiko senatariak azpimarratu duenez “2025 urterako zamadun ibilgailuen flota 5.700 kamioi elektrikokoa izango da, hori flota guztiaren %2 izanik, AEDIVEren abera, eta 60 MW baino gehiagoko potentzia beharko du horrek”. “Horregatik, kamioien geldialdi-gune ohikoenak elektrifikatzea beharrezkoa da, bai eta flotak ibilgailu jasangarriagoekin eta ez hain kutsakorrekin berritzea sustatzea ere, ibilgailu zaharren kopurua murriztuz”, ziurtatu du.

“Hala ere, espainiar Estatuan ibilgailu elektrifikatuen salmenta aurreikuspenetatik urrun dago, 2023 urtean %12ko merkatu kuotarekin; %5,4 ibilgailu elektriko garbia eta %6,5 hibrido entxufagarria eta, egia zera da; salmentek behera egin dutela eskaera ahul baten aurrean, kostu handiagatik eta birkarga puntuen gabeziagatik, bai eta Txinaren aldetik konpetentzia bortitzagatik ere”, nabarmendu du foru senatariak.

Horregatik guztiagatik, Barkosek azpimarratu du “mugikortasun elektrikora eraldaketak ziurgabetasun sorta bati aurre egin beharko diola, administraritzen aldetik konpromiso tinkoa beharrezkoa izango delarik ere”, horregatik gogorarazi du “automozioa sektore estrategikoa” dela eta elektrifikazioaren desafio handi horren aurrean “politika publikoen laguntza” behar duela ere.