Iruñeko Geroa Baik adierazi du sabotajeek "Sanferminetan zezenen etorkizunari buruzko eztabaida lasaia oztopatzen dutela"

Iruñeko Geroa Baik gaurko goizaldean gasaren ukuiluetan erregistratu den sabotajea gaitzetsi du, makina jasogailu bat erre baitute, pintadak egin eta beste kalte materialak sortu, pasa den asteartean hesia jartzeko erabiltzen diren 13 zuloetan egindako erasoei gaineratuz azken hau.

Udal taldearen aburuz, horrelakoak bezalako ekintza eta erasoek “lortzen duten gauza bakarra, Sanferminetan zezenen etorkizunari buruzko edozein eztabaida lasai eta arrazional oztopatzea da”. “Horrelako ekintzak eztabaida honetan egon beharreko lasaitasunaren aurkako norabidean doaz, eta gaitzespena sortzen dute jarrera bera defendatzen duten pertsonengan ere”, gaineratu du.

Zentzu honetan, Iruñeko Geroa Baik berretsi duenez “gizarte demokratiko batean, jarrera ezberdinak adierazteko posible den bide bakarra elkarrizketa da” eta deialdia egiten die herritar guztiei “haien ideia propioak bide honen bitartez defendatzen jarraitzeko”.