Iruñeko Geroa Baik Asironi gogorarazi dio 'okupei' eskaintzen dien elkarrizketa bidea atzera bota zutela

Joseba Asiron Iruñeko Udaleko alkateak egindako agerraldiaren ondoren, Iruñeko Geroa Baik gogorarazi du Rozalejoko Markesaren Jauregiko ‘okupekin’ elkarrizketa bidea birritan atzera bota zuela asanbladak. 

Horrela, Geroa Baiko udal taldeak gogorarazi duenez “Nafarroako Gobernua abuztuan okupekin negoziatzen eta elkarrizketan aritzen saiatu zen, baina elkarrizketa hau asanbladak atzera bota zuen; eta EH Bilduk hilabeteetan zehar negoziaketa prozesu bat mantendu zuen, azkenean porrot eginez Rozalejoko Markesaren Jauregia okupatu zutenek ez zutelako eskainitako alternatibarik onartu, haien ‘proiektu politikoa’ irtenbide bat aurkitzearen gainetik jartzen dutela frogatuz, eta haien aldetik negoziatzeko borondaterik ez dagoela erakutsiz”. 

Iruñeko Geroa Baik gainera gogorarazi du beti defendatu duela Iruñeko Udala dela bizilagun eta herri kolektiboentzako lokalen eskaerari erantzuteko eskumena duen erakundea, eta behin baino gehiagotan premiatu du Asiron alkatea horretan arduraz jardun dezan. 

Udal taldeak ziurtatu duenez, koaliziotik inoiz ez zaio trabarik jarri Iruñeko Udalak ez eta EH Bildu formakuntza politikoak Alde Zaharreko elkarteekin eta Rozalejoko Markesaren Jauregiko ‘okupekin’ elkarrizketa prozesua egin dezaten, nahiz eta onartu “zaila dela negoziatzea ‘Gaztetxerik gabe, bakerik ez’ leloa duen kolektibo batekin, eta elkarrizketa ukatu dutenean Rozalejoko Markesaren Jauregia Uxue Barkosen Gobernua eta Geroa Bai erasotzeko aitzakia gisa erabiltzea beste helbururik ez dutela frogatzen da”. 

Koalizioaren udal taldeak azpimarratu duenez, legegintzaldi honetan zehar auzoetan autogestio proiektuak dinamizatzeko eta martxan jartzeko pausoak eman dira, hala nola Mendillorriko Antzara zentro soziala edo Redín eta Cruzat eraikina, ez ziurtatzen du “gure apustua ildo honetan lan egiten jarraitzea da, gazte eta bizilagun elkarteekin”. “Hori bai, inoiz ez atean ostikoa emanez lortutako lokalekin”, azpimarratu du.