Koldo Martínez: “Ez dugu inondik inora ez doa trenaren plataforma handitzearen alde egingo, korridorearen irizpideak jasoko dituen hitzarmen baten alde baizik”

Koldo Martínez Nafarroako Parlamentuan Geroa Baiko bozeramaileak esan duenez “data arazo txiki bat ezin izan daiteke eta ezin da arazo bat izan Nafarroako Gobernuaren eta Gobernu zentralaren artean akordioetara iristeko” trenbide korridorearen inguruan.

Nafarroan AHTren kudeaketa integrala lehenbailehen bere egiteko erabakia Sustapen Ministerioak hartu ondoren, Martínezek kazetariei egindako adierazpenetan ziurtatu du Geroa Baik, foru Exekutiboak bezala, “prestazio handiko tren korridorearen beharra defendatzen jarraituko dugula”.

Hala ere, Sustapen Ministerioak proposatutako obrarekin ados ez daudela azpimarratu du, “inondik inora ez doan tren plataforma handitzea baita”. “Sustapen Ministerioak badaki Nafarroako Gobernua, eta gu ere, korridorearen ezaugarri guztiak jasotzen dituen hitzarmen baten alde egiten dugula”, nabarmendu du, gaineratuz “hori defendatzen jarraituko dugula”. “Hori ez den beste edozer gauzak ez du Geroa Bairen babesa edukiko”, ohartarazi du.

Halaber, Sustapen Ministerioarekin egoera berbideratu daitekeenaren uste osoa agertu du, nabarmenduz “UPNren gobernuek 2010erako hitz eman zigutela trena, ondoren 2013rako, geroa 2015erako eta ia 2018an gaude eta ez dago 14 kilometroko plataforma bat baino gehiago, 2010eko hitzarmenean hirurogeita hamar baino gehiago hitzartuta ondoren”.