Koldo Martínez: “Sanjurjo ohore ofizialeki hobiratzea frankismoaren biktimei umiliazioa da”

Nafarroako Parlamentuko Eledunen Batzarrak adierazpen instituzional bat onartu du astelehen honetan bere gaitzespena adieraziz José Sanjurjo generala “ohore ofizialekin eta Defentsa Ministerioko kideen presentziarekin” hobiratu izanagatik eta “gertakariak argitu daitezen eta beharrezkoa ardura politikoak egotzi daitezen” eskatzen du.

Geroa Bairen aldetik, Koldo Martínezek Sanjurjoren “gorpuzkia hobiratzerakoan emandako ohoreak” gaitzetsi ditu, bai eta “ekitaldian Defentsa Ministerioko ordezkarien presentzia”. “Presentzia hori iraina eta umiliazioa da biktimentzako”, deitoratu du.

SINDIKATUEI DEIALDIA POLIZIEN LEGEA NEGOZIATZEKO

Geroa Baiko parlamentuko eledun Koldo Martínezek antolakunde sindikalei deialdia luzatu die Polizien legeari “haien ekarpenak aurkez ditzaten”, eta horrela “mahai baten inguruan eseri ahal izateko, hiritarrak eta poliziak atsegingo dituen lege on bat lortzeko negoziatzeko eta adostasunetara iristeko”.

Martínezek, Parlamentuko Mahai eta Eledunen Batzarra amaitu ondorengo kazetariei adierazpenetan, ziurtatu du koalizioak “badakiela” Gobernuak Ganberari igorritako lege proiektuak “gaitzespen sindikal handia” duela, baina espero du “negoziatu eta adostasunetara iristeko” gai izatea.