Lur irristaketak direla eta Esako urtegiko lanetan aldaketak azaltzeko CHE-ko presidentearen agerraldia eskatu du Koldo Martínezek

Koldo Martínez (Geroa Bai) Nafarroako senatari autonomikoak Ebroko Konfederazio Hidrografikoko presidenteak Goi Ganberan agerraldia egitea eskatu du, presako gainezkabideen desplazamenduak Esako urtegiaren handitze lanetan izan duen eragina azal dezan, CHE-k berak, proiektuaren titularrak alegia, mendi-magalaren irristaketaren ondorioz egin dela aitortu baitu.

Río Aragón elkarteak salatu duenez, “CHE-k berak gainezkabide kopurua eta sistema bera berrikusteko beharra egiaztatu du, gauza larria dena, eta bokalea bere egungo kokalekutik 52 metrora mugitu behar izan du gainezkabideren batean mugimenduak antzeman ondoren”.

Lasaitasuna eta El Mirador de Yesa bezalako urbanizazioetako ehun etxebizitza baino gehiagoren hustea eta eraisketa behartu zuten mendi-magalaren irristaketek gainezkabide baten bokalearengan eragina izan zuten ere, orain CHE-k berak aitortu duen moduan. Konfederazioaren txostenak dioenez, “egungo gainezkabideen bokale baten inguruan mendi-magalaren mugimenduak antzeman ondoren, beharrezkoa da gainezkabideak zeharo egonkorra den gune batean birkokatzea”.

Informazioa hau, Trantsizio Ekologikoko Ministerioak aditzera eman zezan Río Aragón elkarteak Auzitegi Gorenera jo ondoren ezagutu da.

“Esako urtegiaren handitze lanetan 113 milioi euroko kostua aurreikusten zen hasiera batean, eta jada 500 milioi daramatza. Eta, hainbeste ustekaberekin,  bere bideragarritasun eta segurtasunaren gaineko zalantzak argituko dituen ebaluazio bat egitea nahitaezkoa da. Horregatik eskatu dugu María Dolores Pascual CHE-ko presidentearen agerraldia, gaurko egunez lan horien egoera zein den azal dezan”, nabarmendu du Koldo Martínezek.