Nafarroako Gobernuak ondasun publiko bat hiritar guztiek gozatu ahal izateko berreskuratzea defendatzen jarraitzea baloratu du Geroa Baik

Geroa Bai modu positiboan baloratu du Nafarroako Gobernuak helegitea jarri izana Rozalejoko Markesaren Jauregiaren okupazioaren kausa artxibatzeko epailearen erabakiaren aurka, horrela ondasun publiko bat hiritar guztiek gozatu ahal izateko berreskuratzea defendatzen jarraituz.

Koalizioaren aburuz, Foru Exekutiboak arduraz jardun du gai honetan, lehenik hustea burutuz, epailearen aginduz egina eta legea betez eta ondasun publiko baten defentsan, eta bigarrenik, huste agindu hori bertan behera uztea eskatuz, hiritarren segurtasuna bermatzeko epe bat edukitzeko helburuarekin eta huste oso eta behin betiko bat egiteko.

Geroa Baik gogorarazi du Iruñeko Udala dela bizilagun zein herri kolektiboentzako lokal eskaerari erantzuna emateko konpetentzia duen erakundea, horregatik Joseba Asirón alkateari eskatu dio berak duen tokitik erantzukizunez lan egin dezan, bizilagunen arteko aukera berdintasun printzipioa gordez eta konkurrentzia publikoa bermatuz.

Azkenik, koalizioak ziurtatu duenez Exekutiboak Rozalejoko Markesaren Jauregian Oroimen Historikoaren Institutua kokatzeko duen helburua bere egiten du, eta espero du gainontzeko indarrek haien proposamen eta alternatibak aurkeztu izana, baldin badituzte gutxienez, aldaketarekin eta Nafarroako herritarrekin leialtasunez eta elkarrekin lanean jarraitzeko.