Nafarroaren etorkizunerako zedarri estrategiko moduan aldarrikatu du Geroa Baik Industria Lege berria

Nafarroako Gobernuak Industria eta Enpresen Sustapenerako Foru Lege Proiektua onartu izanak dakarren pauso garrantzitsua nabarmendu du Geroa Baik, anbizio handiko estrategia industrial modernoa definituko baitu, etorkizuneko erronka handiekin lerrokaturik gainera. “Trantsizio ekologiko eta digital bikoitza sustatzea bilatzen duen araua da, bai eta sinplifikazio administratiboa eta suspertze industriala konplexua den mundu mailako testuinguruan”, azpimarratu du.

Mikel Irujo kontseilariaren lantaldeak buruturiko “lan zorrotz, etengabe eta Nafarroarekin zeharo konprometituaren” garrantzia azpimarratu nahi du koalizioak, politika industriala gobernu ekintzaren erdian kokatzen jakin baitu. “Iraganeko ereduen aurrean, lege honek etorkizuneko ikuspegi argia irudikatzen du: Ongizatearen, lurralde kohesioaren eta kalitatezko enpleguaren motore den industriaren aldeko apustua egiten duen Nafarroa bat, eta trantsizio ekologiko eta digitalaren abangoardian egon nahi duena”, nabarmendu du.

Geroa Baik azpimarratu duenez, elkarrizketa prozesu sakon baten, entzute aktiboaren eta Nafarroako sare ekonomiko eta sozialaren artean egondako lanaren emaitza da lege-ekimen hau. “Nafarroatik eta Nafarroarentzako jaio den legea da, iraunkortasun bokazioa duena eta gure ekoizpen eredua sendotzeko helburua duena, gure sustraiak, gure esentzia galdu gabe”, ziurtatu du.

Zentzu honetan, “Nafarroaren oinarri industrial sendoa” azpimarratu du Geroa Bai, “Estatu mailako eta Europa mailako bataz bestekoaren gainetik oso”. “Foru Komunitateak enpresa sare anitza eta erresilientea du, esparru estrategikoen buru egoteko gai, hala nola energia berriztagarrietan, automozioan edo nekazaritzako elikagaien industria aurreratuan”, azpimarratu du. “Sendotasun honen gainean eraikitzen da hain zuzen ere lege hau, lidergo hori finkatzeko eta etorkizunera proiektatzeko helburuarekin”, nabarmendu du.

Koalizioak nabarmendu duenez, proiektu honek modu argian islatzen ditu Geroa Baik defendatzen dituen baloreak: enpresen sustraitzea, jasangarritasuna eta berrikuntza. “Mikel Irujoren lidergoa erabakigarria izan da, anbizio eraldatzailea eta errealismoa uztartzen dituen proposamen hau artikulatzeko, enpresengan, langileengan eta datozen belaunaldien geroan pentsatuz”, gaineratu du.

Halaber, Geroa Baik nabarmendu du lege honek Administraritza bizkor eta hurbilagoa lortzeko pausoa dela, modu argian egiten baitu sinplifikazio administratiboaren eta oztopo burokratikoen murrizketaren alde. “Enpresen jarduera erraztea, epeak murriztea eta Nafarroan inbertitu eta enplegua sortu nahi dutenei segurtasun gehiago eskaintzea, politika industriala egiteko modua da ere”, azpimarratu du.

Horregatik guztiagatik, lege honek Europako berrindustrializazioan Nafarroa protagonista izateko ibilbide-orria finkatzen duela nabarmendu du Geroa Baik, sektore estrategikoen alde egiten baitu, trantsizio ekologikoaren eta digitalizazioaren alde ere, baina beti ikuspuntu propiotik. “Helburu bakarra ez da aldaketa globalei egokitzea, baizik eta gure nortasun eta gure gaitasunetatik horren lidergoan jartzea”, azpimarratu du.

Azkenik, proiektu hau ahalik eta adostasun handienarekin burutzea ahalbidetuko duen Parlamentuko tramitazio eraikitzaile bat bultzatzen jarraitzeko bere konpromisoa berretsi du koalizioak. “Nafarroak egonkortasuna, ikuspegia eta lidergoa behar ditu, eta lege hau eta departamentuak burutu duen lana horren adibide dira, politika industriala egiteko beste modu bat posible dela frogatu baita”, amaitu du adieraziz.