PP-k “funanbulismo politikoa” egiten duela salatu du Barkosek, gerraren ondorioekin arduratuz baina hura gaitzetsi gabe ari baita

Uxue Barkos Geroa Baiko senatariak Alderdi Popularrari aurpegiratu dio Irango gerraren ondorioak leuntzen saiatzea baina hura gaitzetsi gabe. “Ezin da inolaz ere ez onartu gerraren ondorio larriak konpontzen saiatzera etortzea Senatura baina gerra hori gaitzetsi gabe”, kritikatu du Barkosek, bere aburuz jarrera hori “funanbulismo politikoaren jarduna” delarik.

Gerraren ondorioei aurre egiteko neurrien inguruan Talde Popularrak planteatu duen parlamentuko ekimenaren eztabaidaren baitan Barkosek defendatu duenez, “pertsonen eta familien poltsikorako neurririk hoberena, gerra bat inoiz ez onartzea da”.

Halaber, Geroa Baiko senatariak azpimarratu duenez, “agintari arduragabe baten aldartearen” emaitza da, “arauei begirunea edukitzea bezalako oinarrizko adostasun demokratikoa urratu duen horrena”, gaineratu du. Aldi berean azpimarratu duenez, “gerra hau ez dute NATOko kide guztiek onartzen, ez eta Europar Batasuneko kide guztiek ere”.

Halaber, Barkosek gogorarazi du “gerra hau ez dutela babesten Trumpen administraritzan bertan terroristen aurkako arduradunek ere”, era berean kritikatuz “Iranen inguruko isiltasuna kasu honetan, Alderdi Popularrak Iraken egin zuen iskanbila gehiegi gogorarazten baitu”. 

Horregatik guztiagatik, foru senatariak Núñez Feijóo buru duenformakuntza premiatu du “etxea oinarrietatik has dezan” eta “inoiz izan behar ez lukeen gerra gaitzetsi dezan”.