Printzipioen politika ausarta aldarrikatu du Uxue Barkosek

Uxue Barkos Nafarroako Gobernuko Lehendakaritzarako Geroa Bairen hautagaiak printzipioen politika eta politika ausarta aldarrikatu ditu. “Politikagintza ausardia kontua da ere”, ziurtatu du Barkosek, Lizarrako alkatetzarako koalizioaren hautagai moduan Blanca Regúlez aurkezteko egin den prentsaurrekoan.

“Atzo bertan ezagutu genuenez, Rajoyren Barne Ministerioaren goi-karguek Geroa Bairen Gobernuko kideak ikertu zituen, aurreko legegintzaldian ni neu buru izan ninduen Gobernu hartako kideak”, gogorarazi du. “Hau da gaur ezagutzen duguna, izan ere ez dut zalantzarik -ziurtatu du Barkosek- Gobernu hark jasan zituen oztopoak, Nafarroan aldaketarik inoiz nahi izan ez dutenen kontua izan zirela, erakunde pluralagoak, aurrerakoiagoak eta gure aniztasunarekin harro zeudenak ekarri baitzituen aldaketa hark”, ziurtatu du.

“Hori da Gobernuaren 4 urtetan batzuek ukatu nahi izan zigutena; gobernu garrantzitsua bere ekintza zorrotz, eraginkor eta ausartean, azpimarratu du. “Baina Gobernu hari torpedoak jaurtitzen saiatu zirenak, orain badakigu Kitchen trama ere bertan egon zela, ezin izan zuten. Eta ezin izan zuten Gobernu hartan lagundu ninduten pertsonak -eta gaurko frogetan dago erantzuna- zintzoak, leialak eta ausartak izan zirelako”, nabarmendu du Geroa Bairen lehendakarigaiak.