Itzuli

PSOE, PP eta VOX-ek hautesle taldeen aldeko lege proposamena kongresuan oztopatu izana deitoratu du Geroa Baik

Alderdi hauen jarrerak Geroa Baik bultzatutako eta Nafarroako Parlamentuak onartutako ekimenak aurrera egitea galarazi izana salatu du Pablo Azconak

    Pablo Azcona Pablo Azcona

    Hautesle taldeen alde Geroa Baik bultzatutako eta Nafarroako Parlamentuak onartutako lege proposamena PSOE, PP eta VOX-ekDiputatuen Kongresuan galarazi izana deitoratu du Geroa Baik, PSOE eta Vox-ek aurkako jarrera eta PP-k abstentzioa iragarri ondoren arratsalde honetan egin den eztabaidan.

    Pablo Azcona parlamentaria Diputatuen Kongresuan egon da gaur Mikel Buil (Podemos) eta Marisa de Simón (Izquierda-Ezkerra) parlamentariekin batera Nafarroako Parlamentua ordezkatzen, Hauteskunde Erregimen Orokorraren Lege Organikoaren eta Alderdi Politikoen Finantzaketarako Lege Organikoaren aldaketa partziala egiteko lege proposamena aurkezteko helburuarekin, eta nabarmendu duenez, “bozketa egiteko esperoan, arratsaldeko azken orduan egingo dena, alderdi hauek agertutako jarrerak udalerrietako hautesle talde independenteen jasaten duten diskriminazioarekin jarraitzea ahalbidetuko du”.

    Azconak ziurtatu duenez, “PSOE, PP eta VOX alderdiek munizipalismoa eta gure udalerrietako partaidetza demokratikoa oztopatzen duen sistema batek irautea ahalbidetuko dute”. “Ulertezina den egoera da, are gehiago Nafarroaren idiosinkrasia kontuan hartuz, pasa den legegintzaldian Nafarroak dituen 272 udalerritatik 217tako udalbatzetan hautesle taldeak baitzeuden, eta Foru Erkidegoko udalerrietako %65ek mota honetako taldeak dituzte agintean”, azpimarratu du.

    Geroa Baiko parlamentariak ziurtatu duenez “aldatzea proposatu ditugun lege organikoen egungo idazketa udalerri txikien demokraziarentzako oztopo irrazional bat da eta, ondorioz, afera publikoetan gure bizilagunen partaidetzarako ere. Tristea da alderdi hauek lege hauek dakarten bidegabekeria iraunaraztea eta alderdi handiak bakarrik onuratzen dituen sistema bat babestea”.

    “Geroa Baitik bidegabekeria hau aldatzeko bide guztiak agortuko ditugu eta hauteskunde Legeen aldaketari heltzeko ardura duen azpibatzordea premiaz deitzea eskatuko diogu PSOEri”, amaitu du Azcona parlamentariak.

    Izena eman gure buletina jasotzeko