zerrendanSan Saturnino egunarekin egingo den faroltxoen aireratzean ez da Iruñeko Geroa Bai egongo
Iruñeko Geroa Baik gogorarazi duenez apirilean Udalak Donibane, Ermitagaña eta Mendebaldea auzoetako merkatariei faroltxoak aireratzea debekatu zien
Datorren azaroaren 29an arratsaldez Gaztelugibelean egingo den faroltxoen aireratzean ez dela egongo jakinarazi du Iruñeko Geroa Baik.
Koaliziotik ziurtatu dutenez, “San Saturnino Eguneko ospakizunen baitan faroltxoak aireratzeko Udalak hartutako erabakiaren aurrean, gure kezka agertzen dugu eta neurri honen hipokresia salatzen dugu ere, apirilean merkatariei helarazi zitzaien debekua kontuan hartuz bereziki”.
Mikel Armendariz zinegotziaren hitzetan, “harrigarria eta etsigarria da Udalak apirilean faroltxoak aireratzea debekatzeko jarrera hartu izana eta orain Udala bera izatea ekitaldi honen sustatzailea”. “Erabaki honek koherentzia falta agertzen du, moral bikoitza dutela erakusten du eta Ibarrolaren kanpaina pertsonalean beste ekitaldi bat gehiago da”, salatu du zinegotziak.
“Herritarren Segurtasunerako Alorrak, Labairu jaunak ere zuzentzen duen horrek, suaren inplikazioa eta Babes Zibileko alorraren aldeko txostenaren beharra zirela eta baimena ukatzea erabaki zuen. Horretaz gain, faroltxoa lurrera erortzean uzten zuen zaborra bezalako beste garbitasun gaiengatik ere”, gogorarazi du. “Hainbeste aldatu al da egoera apiriletik hona?”, galdegin du zinegotziak.
Armendarizen arabera “udalaren erabakiak trinkoak eta denontzako ekitatiboak izan behar dute, gobernu taldearentzako ere”. “Apirilean merkatariei debekatu izanaren eta San Saturninon baimena ematearen arteko kontraesanak zalantzak sortzen ditu erabakiak hartzerako unean dagoen partzialtasun eza eta ekitatea direla eta”, ziurtatu du Geroa Baiko zinegotziak.
“Gobernu taldeak jarrera aldaketa honen atzean egon den arrazoia azaldu beharko luke, eta araudiak modu uniformean ezarri ere, edozein faboritismo edo bidegabekeria susmoa ekiditeko”, amaitu du adieraziz.
