Uxue Barkos: “Legegintzaldi zaila eta intentsitate handikoa izan da, garrantzia handiko legeekin”

Uxue Barkos Geroa Baiko bozeramaileak Nafarroako Parlamentuko Mahai eta Eledunen Batzarraren ondoren egindako adierazpenetan azpimarratu duenez, “legegintzaldi zaila” eta “intentsitate handikoa izan da esparru legegilean, garrantzia handia duten lege batzuekin”. Parlamentuari dagokionez, Ganberaren Araudiaren erreforma onartu izanarekin pozik agertu da, eta Unai Hualde presidentearen figuraren garrantzia azpimarratu du ere.

Bestalde, Geroa Baitik “hautestontzietan ahalik eta emaitza hoberena gizarteari erakusteko lanean” daudela nabarmendu du. “Inkestek joera bat markatzen ari dute, eta formakuntza politikoen joerekin bat datoz, hau da, gobernu aurrerakoia eta gure Komunitateko aniztasuna jasoko duen gobernua lortzeko nafar gizartearekin batera aritzea. Gobernu aurrerakoiak eta pluralak, bertan Geroa Baik erabakiak hartzeko gaitasuna edukitzen jarrai dezan, eta hori datorren maiatzaren 28an finkatu beharra dago”, adierazi du.