Uxue Barkosek ziurtatu duenez Geroa Bai da ‘aldaketaren bultzatzaile nagusia’ eta UPNk oposizio ‘baldarra’ egiten ari duela salatu du

Uxue Barkos Nafarroako Gobernuko Lehendakariak ziurtatu duenez Geroa Bai izan da laukoaren barruan “aldaketari bultzada nagusia eman dion” indarra, “zalantzak zeudenean koldartu ez den indarra, arazoak zeudenean, erabaki oso zailak hartu behar zirenean”.

Ikasturte politikoari hasiera emateko Geroa Baiko ehun alkate, parlamentari eta kide elkartu dituen ekitaldi batean Uxue Barkosek  ziurtatu duenez, datozen hilabeteetan eta 2019ko maiatzeko hauteskundeetaraino, Geroa Baik “ez du atzera pauso bakar bat ere emango XXI mendeko Nafarroaren eraikuntzan, aldaketa finkatzen jarraituko du”. “Geroa Baik tinko eta gogor jarraituko du lanean, atzera egitea posible izan ez dadin eta are gutxiago errealitatea izan dadin”, ziurtatu du.

Gainera, bere hitzaldian zehar Uxue Barkos oso kritikoa izan da oposizioarekin, “baldarrak” izan direla esanez, eta bereziki gogorra izan da UPNrekin, “komunitate honetan inoiz ezagutu den lidergorik ahulena, pobreena eta baldarrena” duela azpimarratuz.

Uxue Barkosek ziurtatu duenez “hiru urte hauetan lehen aldiz ikusi da Nafarroan aldaketa solidoa, finkatua, sendoa eta arduratsua, horrek bere fruituak eman dituelarik”.

Horrela, Foru Exekutiboko buruak defendatu duenez “menpekotasuna, osasungintza, errenta bermatua, enplegua edo hezkuntza bezalako alorretan, Nafarroak azken legegintzaldiko murriztetatik ihes egiten jakin du”. “Leheneratzen kostatzen ari zaizkigun murrizketak dira, baina hiru urteren ondoren, beste modu batean lan egin daitekeela esateko gai gara”, nabarmendu du.

Oroimen historikoa ere aipatu du, ziurtatuz “diktadorea hil eta 40 urteren ondoren Nafarroan aldaketaren gobernu bat da alor honetan lanean aritu dena” eta ziurtatu du “azkenaldiko oroimenean ere lanean jarraitu nahi dugu, gure iragan gertuenaren zauriak sendatzeko”.

Hala ere, kritikoa izan da UPNrekin, zehazki aipatu gabe, ziurtatuz “40 urtetan zehar terrorismoaren biktimak lagundu izanagatik harro ibili diren karguak egon direla, eta bidean biktima batzuk utzi zituzten berberak izan dira horiek”. “Biktima horiek ez al ziren politikoki interesgarriak? Gure Gobernuak terrorismoaren biktima zuzenak diren pertsona ugarirekin egin du lan, biktima mortalen senideekin, orain arte Nafarroako Gobernu ezberdinek ahaztuta zituztenak”, ziurtatu du.

Barkosek ziurtatu duenez “askotan sabela nahastu diguten salaketa gogorrak entzuteko gai izan gara, nahiz eta bidezkoak ez izan”. “Ulertzen genituen, ez duguna onartuko da minaren erabilera alderdikoia egitea”, ziurtatu du.

GAZTETXEA, GOBERNUA “GASTATZEKO”

Uxue Barkosek ere aipatu du azken asteotan laukoko kideen barruan Rozalejoko Markesaren Jauregiaren (Maravillas Gaztetxea) okupazioak sortutako polemika eta ohartarazi du gai honen inguruan gertatutako gauza ugari ez direla “kasualitatea izan”.

Horrela, adibidez, galdegin du ea “kasualitatea ote den Gobernu honetako kontseilariek haien karguak hartu zituztenean Gobernuaren jabetzakoa zen eraikin bat okupatzea –Mendillorriko jauregia- edo kasualitatea ote den ondasun publiko bat okupatu den bakoitzean beti Nafarroako Gobernuaren jabetzakoa izatea”. “Ez da kasualitatea”, ziurtatu du, azpimarratuz gai hau Gobernua “gastatzeko” erabili dela.

Horren aurrean, Uxue Barkosek azpimarratu du Exekutiboak “ez duela inoiz bere erantzukizunen utzikeriarik egin ondasun publikoaren defentsan, baina horrek ez du oztopatu elkarrizketaren alde egiten dugun apustu sendoa”. “Gobernu honek ez du inoiz ukatu espazio autogestionatuei buruzko elkarrizketa, baina horrek ez du ezertan eragotziko jabetza publikoa eta nafar guztien ondasunak, ez bakarrik gutxi batzuena, aldarrikatzeko jarrera”.

MARÍA SOLANARI BABESA

Bere hitzaldian zehar Barkosek Foru Gobernuko bozeramaile María Solanak gai honen inguruan egindako kudeaketari bere babesa emateko aprobetxatu du, bertaratu direnen txaloak jasoz Solanak, eta Exekutibo buruaren arabera, “oso eraso zuzenak” pairatu ditu. “Ez daude erabaki bat erasotzen, pertsonen konpromisoa erasotzen ari da baizik, ibilbideak bilatzen dira, auzitegietan bilatzen da Parlamentuan ezin egin dutena”, esan du.

“María Solanari paperik zailena egokitu zaio kasu honetan. Beste edozein kontseilarik emango luke maila, baina Maríak jada ez du frogatu beharrik”, azpimarratu du.

Gainera, UPN salatu du “politika ezagutzen den baliabiderik doilorrena erabili duelako, haien azpikerien esparrua auzitegietara eramatea alegia”. “Parlamentuan zu jazartzeko ez dira gai izan, ez dute inolaz ere lortuko zurekin”, ziurtatu du.