COVID-19-aren krisialdiak abokatu mutualistei eragindako babesgabetasun egoerari buruz galdetu du Senatuan Geroa Bai barne duen Izquierda Confederal taldeak

Geroa Bai barne duen Senatuko Izquierda Confederal taldeak Gobernuari zuzendutako bi galdera erregistratu ditu, COVID-19aren krisialdiak eragindako diru-sarreren gainbeheraren ondorioz abokatu mutualistek duten babesgabetasun egoerari buruz jakiteko, bai eta egoera zail honi aurre egiteko Exekutiboaren aldetik neurririk ez egoteari buruz ere. 

Koronabirusaren pandemiak alarma egoera ezarri eta luzatzera behartu du Gobernua eta, hori dela eta, “463/2020 Errege Dekretuaren irakurketatik uler daitekeen zehaztugabetasun egoera eta martxoaren 17ko 8/2020 Errege Dekretu-legearen ondorengo neurri ekonomikoak luzatzera ere, horien arabera abokatutzako mutualistak haien erregimen juridikoan erabateko babesgabetasun egoeran geratuz”, azpimarratzen du aurkeztutako testuak.

Aparteko egoera honek epe prozesalak bertan behera eta Epaitegietako ohiko jarduera bertan behera utzi ditu, horrela profesional asko diru-sarrerarik gabe utziz. Gobernuak iragarritako neurriek, autonomoak bezalako beste kolektiboak ez bezala, gutxieneko diru-sarrerak eduki ditzaketela aurreikusten du, baina Gizarte Segurantza edo Langile Autonomoen Erregimen Bereziari atxikituta daudenek bakarrik, ez baina mutualisten kolektiboa. Egoera dramatikoa da kaltetutako askorentzat, ezin baitute ez haien ogibidea jardun, ez eta diru-sarrerarik sortu ere.

Abokatu Elkargoen neurriek abokatuek ordaintzen dituzten kuotak atzeratzea besterik ez dute aurreikusten, haien jarduera izozturik egon arren, baina momentuz ez dago pandemia honek iraungo duen denbora tarteari aurre egiten lagunduko dien gutxieneko laguntzarik.

Koldo Martínez Nafarroako senatari autonomiko eta Geroa Baiko kideak nabarmendu duenez, “asko dira azken hilabetean ezertxo ere fakturatzeko gai izan ez diren abokatuak. Abokatutzaren Mutualitateak ez du bertan alta emana duten profesionalen kuoten ordainketa bertan behera utzi, eta gainera horrek ez du subsidio eskubiderik ematen”, azpimarratu du. Martínezen arabera, “haien egoera latza arintzen lagunduko lukeen beste neurri bat, ofiziozko txanda modu azkarrean ordaintzea da, lehen hiruhilekoaren ordainketa aurreratuz, maiatzaren azken asteetan kobratu ohi baitute. Ezin ahaztu dezakegu abokatuek guardiak egiten jarraitzen dutela, bai eta atxilotuei, tratu txarrak jasotzen dituzten emakumeei, adin txikikoei, atzerritarrei eta presoei arreta ematen ere”.

Horregatik, Izquierda Confederal taldeak abokatu mutualisten ezinegona helarazi du Senatuan erregistratutako bi galdera hauen bitartez:

- Zein neurri ekonomiko lagungarri aurreikusten dira, Langile Autonomoen Erregimen Bereziaren ordez bere Mutualitatean bakarrik alta emanda duten eta bere kabuz lan egiten duten abokatuen diru-sarrera falta arintzeko, laguntza hauek zuzenak izan edo Mutualitate horri edo profesionalen elkargoei jarraibideak ematea direla ere, hala nola kuoten libratzea, edo ezohiko laguntzak jasotzeko eskubidea aitortzea?

- Haien Mutualitatean bakarrik alta emana duten eta bere kabuz lan egiten duten abokatuei dagokienez, Gobernuak Langile Autonomoen Erregimen Berezian dauden autonomoen kolektiboari berdintzeko neurririk hartuko edo bultzatuko du 8/2020 Errege Dekretu-legean ezartzen diren neurrien estaldurari dagokionez?