Geroa Bai, adostasunetik eraikitako Nafarroa “subirano, sozial eta berde” baten alde

Uxue Barkos Geroa Baiko bozeramaileak, bere formakuntzak jarduten duen “adostasun anbiziotsua” defendatu du foru panorama politikoan hamarkada batez egon ondoren, “orain hurrengo hamar urteei begira gaude, XXI mendekoak diren erronkekin, subiranoa, soziala eta berdea izango den Nafarroa bati begira”.

Kongresuan eserlekua lortu zuteneko hamar urteak oroitzeko Geroa Baik egindako ekitaldiaren baitan izan da hori. Ekitaldiak lortutako baloratzeko balio izan du, bai eta jasotako babesa eskertzeko eta “ezberdinen arteko elkarrizketan, elkar ulertzean eta lanean” oinarrituriko jardun politikoaren jarraitasunaren aldeko apustua egiteko ere,

“Hamar urte ez dira asko, ziurrenik oso gutxi dira formakuntza politiko baten historian, baina gutxik ager dezakete Geroa Baik frogatutako indarra, duintasuna eta gaitasun demokratikoa”, horrela ulertzen baitute izan dela bere lorpenetan eta politikagintzaren jardueran, bai Madrileko eserlekuetatik, bai eta Nafarroako Parlamentutik, bertan bere “gehiengo aurrerakoi eta anitzak Nafarroako Gobernua sostengatzen duelarik gaur”.

Aurretik, 2015ean, Uxue Barkosek Gobernuko lehendakaritza bere gain hartu zuen, “ezberdinen arteko akordio zail bati esker, bertan kideok gobernua eratzeaz gain, lau urtez mantentzen jakin genuelarik”, lau urte horiek “hain sutsuak bezain atsegingarriak” izan zirela adieraziz.

“Gogorrak” ere, aitortu du Barkosek, bereziki kritiko agertuz oposizioaren jarduteko moduekin, kasu honetan Navarra Sumarenak, “hautestontzien emaitza onartzen ez baitute jakin eta politikaren judizializaziora jo baitute”, azpimarratu du, kontseilari moduan Manu Ayerdiren dimisioari erreferentzia zuzena eginez, UPNren kereilak hala behartu baitzuen, eta honen harira UPNk politika “modu zantarrean” erabiltzen duela salatu du.

Edozein kasutan, gaur “aldaketak aurrera tinko jarraitzen du Geroa Bairen eskutik eta hala jarraituko du Nafarroako politikan irmotasunez jarraitzen dugun bitartean”, animatu du, aldi berean formakuntzaren “zintzotasuna, inteligentzia eta emaitzak” aldarrikatuz.

Kongresuko eserlekuan ordezkatu zuen Bixente Serrano zendutakoari oroipen berezia egin ondoren, Barkosek euskara aldarrikatu du, “Nafarroaren eta gure gazteriaren hizkuntza propioa”, bere aurrerapausoei Navarra Sumatik jartzen saiatzen diren frenoaren aurrean, baina “hatzaren atzean ilargia dago”, ohartarazi du, datorren hamar urteei Geroa Baitik ekitera animatuz, horrela “subiranoa, soziala eta berdea izango den Nafarroa bat” lortzeko.

Unai Hualde Foru Parlamentuko presidenteak, azken hamarkadako “une ahaztezinak, hunkigarriak eta mirarizkoak” aipatu ditu, Kongresuan eserlekua lortu zen 2011ko Azaroaren 20 hartatik, orain ere Uxue Barkosen eta Geroa Bairen eguna delarik”, adierazi du, horrek “Madrilen UPN eta PSNren arteko banaketarekin amaitu baitzuen, ikuspegi plurala eta aurrerakoia zuten ezberdinen arteko batasunaren proiektua argi eduki zutenen apustu politikoari esker”.

Eta honek “aldaketa irmoa, ordenatua, prezipitaziorik eta inprobisaketarik gabekoa” ekarri du, bere “azken lorpen handia, PSN espazio aurrerakoira eta elkar ulertzea ekartzea” izan delarik, orain koalizioa Gobernuan dagoelarik, Nafarroa “sozialago, anitzago eta euskaltzaleago” batean, aipatu du Hualdek, “Geroa Bai gabe” gaur Nafarroan egongo ez liratekeen beste balore batzuen artean.

Horretatik guztitik “irakaspen argi bat” atera du, Geroa Bai “nahitaezkoa izan da 2021ean dugun Nafarroa edukitzeko eta gaur hori eraikitzen jarraitzeko”.

Bere aldetik, Koldo Martínez senatariak alderdiaren ibilbidea baloratu du bere hitzartzean, “10 urte eta hau guztia”, esan du atseginez, formakuntzarako aldarrikatuz “ETAren desagerpenerako lagundu zuela, gure herriko kalte eta amesgaiztorik handiena alegia”.

“Bakea, askatasuna, garapen jasangarria, ingurumena eta pertsonak defendatu ditugu eta hala egiten jarraituko dugu. Gurean dugun hoberenarekin, Uxuerekin, gure 4 kontseilariekin, gure 9 parlamentariekin, gure historian zehar eduki dugun Nafarroako Parlamentuko presidenterik hoberenarekin, Unai”, bai eta bera ere senatari moduan izanda, baina bereziki militanteekin, “Geroa Bai den gauza eder hau posible egiten baituzue”.

Horregatik, “gure desagerpena desiratzen jarraitzen dutenen aurrean eta hori bera ere diagnostikatzen dutenen aurrean, mezu bat: Presta gaitezen, bagarelako, existitzen garelako, izango garelako eta existituko garelako, eta hau hasi baino ez da egin. Geroa Bain gogoak ez zaizkigu falta eta aldi baterako abiada, pilak eta bateriak ditugu”, amaitu du txalo artean.