Hirugarren Sektoreak Susperraldirako Funtsen kudeaketan parte hartzeko Koldo Martínezen ekimen bat onartu du Senatuak

Senatuak Gobernua premiatu du Elkarrizketa Sozialerako Mahai bat martxan jar dezan, sindikatuek, enpresariek eta Hirugarren Sektorearen plataformak osatua, 28.000 erakunderen partaidetzarekin orotara, horien artean asko nafarrak direlarik, eta 577.000 langilek eta 1,5 milioi boluntariok lan eginez horietan desberdintasun sozialak murrizteko helburuarekin.

Koldo Martínez (Geroa Bai) Nafarroako senatari autonomikoak proposaturik, Goi Ganberak Exekutiboa premiatzea adostu du, sindikatuen, enpresen eta Hirugarren Sektoreko ordezkariekin Elkarrizketa Sozialerako Mahai zehatz bat sor dezan, Susperraldirako, Eraldaketa eta Erresilientziarako Planaren definizioan eta jarraipenean lagun dezaten, Plan horren baterako gobernantza hobetzeko helburuarekin.

Hirugarren Sektorearen papera pandemian

“Geroa Baitik -azpimarratu du Koldo Martínezek- Europako makrofunts horiek eraldaketa sozialari bideratu daitezen eskatu nahi dugu berriro ere, jasangarritasunari egiten zaion erasorik handiena desberdintasun soziala baita hain zuzen ere”.

“Horregatik PSOEren mozioari egindako gure zuzenketa. Europako makrofuntsei bultzada soziala emateko Elkarrizketa Sozialerako Mahai bat beharrezkoa baita, sindikatuekin, patronalarekin eta Hirugarren Sektorearekin ere, azken hau areketatik milioika pertsona ateratzeko gai izan baita gosearen errenkadak kudeatuz. Politikari batzuek boteretik hainbeste famatu dutena egiteko gai izan dira: Inor atzean ez uztea, baina ez dute esandakoa betetzen jakin.