Nafarroak energia-politikak kudeatu ditzan Estatuko legediaren erreforma bat eskatu du Geroa Baik

Energia alorrean gako diren politikak Nafarroako Gobernutik kudeatzea ahalbidetuko duen Estatuko legediaren erreforma bat eskatu du Geroa Baik, hala nola autokontsumoa, metaketa, energia eolikoa eta fotovoltaikoa, biogasa eta hidrogenoa kudeatzeko. María Solana Diputatuen Kongresurako Geroa Bairen hautagaiak ziurtatu duenez, “gure politika eta subiranotasun energetikoaren protagonistak izatea ahalbidetzeko beharrezkoak diren eskumen-tresnak gure eskura edukitzea beharrezkoa da”.

Erreforma proposamenen artean, Solanak Sektore Elektrikoaren abenduaren 26ko 24/2013 Legearen erreforma nabarmendu du, energia elektrikoa ekoizteko instalazioak (berriztagarrien parkeak), libratze azpiegiturak barne, 50 MW elektriko baino gehiagoko instalatutako potentzia elektrikoa dutenean, Nafarroako Gobernuak eta/edo Ministerioak baimendu ditzan. “Halaber, planifikazio elektrikoak Foru Komunitatearen derrigorrezko partaidetza edukitzea proposatzen dugu, honek gaiari buruzko iritzi loteslea izango duelarik”, azpimarratu du.

“Europar Batasunak bost milioi euroko inbertsioa behar du hemendik 2050 urtera klimatikoki neutroa izango den lehen kontinentea izateko, Munduko Foro Ekonomikoaren arabera. Egungo kontsumo sistema lineala 2050ean aldatzen ez badugu, munduko kontsumoa hiru planeten hainakoa izango da”, ziurtatu du hautagaiak.

Solanaren aburuz, “kontinenterik berdeena izateak gure ekonomia sendotuko du, lehiakorragoa egingo du eta azken bi hamarkadetan galdu den munduko lidergoa berreskuratzea ahalbidetuko digu”. “Ekonomia zirkularrerantz joatea, trantsizio energetikoari gehituz, behar-beharrezkoa da. Ez da kasualitatea berriki Nafarroako enpresa ezberdinek iragarri duten 3.000 milioi inguruko inbertsioa automobilaren, energia berriztagarrien edo industria berdeko ekonomia zirkularraren sektoreei loturik egotea”, baloratu du.

Geroa Bairen hautagaiak ziurtatu duenez, “Nafarroa bide berde horretan kokatu behar da inbertsioak eta enplegua erakartzen jarraitu nahi badugu. Zirkulartasuna orain da, eta ezin dugu denborarik galdu”. “Bi erronka handiri buruz ari gara, trantsizio energetikoaren beharra eta ekonomia zirkular baterantz eraldaketa, azken hau, gainera, ez baita gertatuko kontinentean ez badugu gutxieneko subiranotasun digitalik lortzen”, gaineratu du. 

Zentzu honetan, “2021eko udazkenean bizi genuen energiaren salneurrien gorakada dramatikoa” gogorarazi du, “bereziki 2022ko abuztutik urrira bizi genuena, horrek Nafarroako industriarengan eragin berezia izan zuelarik”.

BESTE PROPOSAMENAK

Bere aldetik, Mikel Irujo Nafarroako Gobernuko Garapen Ekonomiko eta Enpresarialerako kontseilariak Geroa Bairen beste proposamenak aipatu ditu, esaterako Europako Direktiba ezberdinen transposizio osoa eta berehalakoa.

“Era berean, birpotentziazioa, instalazio berriztagarrien hibridazioa eta metaketaren sustapena bezalako hain gai garrantzitsuen garapenean ahalmen araugile handiagoa edukitzeko beharra dugu, Ukrainako krisialdiari erantzuteko neurriei buruzko 1/2022 gure Foru Lege Dekretuan jada garatu baikenuen, baina Estatu mailako energia sektorearen erregulazio orokorrak mugatu egiten baitu”, ziurtatu du.

Irujok gainera hidrogeno berdearen sektorea garatzeko gaitasunaren beharra azaldu du: “Hidrogenoa kanpotik etortzea ekidin beharra dago, eta horretarako beharrezkoa izango da bai ekoizpen, bai kontsumo proiektuei babesa ematea, horrela teknologia propioa garatu ahal izateko”.

Industria mailan, industria berdea sendotzearen alde egin du kontseilariak, bereziki eolikoa, Nafarroan ia 6.000 pertsonari enplegu zuzena ematen baitio; bai eta konpetentziaren politika malgutzearen alde ere. “Marko argi bat eta konpetentzia politikaren baitan onartua dagoen laguntza zuzenentzako gutxienekoa handitze behar da. Oraingo gutxienekoa zeharo mugatzailea da industriari bere trantsizio energetikoko prozesuetan lagundu ahal izateko”, azaldu du.